Azərbaycanda sıxılmış təbii qaz yanacaqdoldurma şəbəkəsi genişlənir
Bakı, 30 aprel, AZƏRTAC
Hazırda “SOCAR Petroleum” QSC-yə məxsus 29 yanacaqdoldurma məntəqəsinin (YDM) beşində sıxılmış təbii qaz (STQ) (CNG - compressed natural gas) mühərrik yanacağının satışı həyata keçirilir.
QSC-dən AZƏRTAC-a bildirilib ki, bundan başqa, 7 yanacaqdoldurma məntəqəsində CNG məntəqələrinin quraşdırılması işləri aparılır. Beləliklə, yaxın zamanda “SOCAR Petroleum” QSC-yə məxsus 12 YDM-də CNG mühərrik yanacağının satışı həyata keçiriləcək. Cari ilin sonunadək isə CNG mühərrik yanacağının satışını həyata keçirən yanacaqdoldurma məntəqələrinin sayının 21-ə çatdırılması planlaşdırılır.
Qeyd edək ki, CNG - beynəlxalq praktikada geniş istifadə olunan qənaətli, ekoloji təmiz və ən təhlükəsiz mühərrik yanacağıdır.
Bölmənin digər xəbərləri
