Bakı, 15 oktyabr (AZƏRTAC). Azərbaycanın 15 yaşadək qızlardan ibarət yığması İsveçrənin Nyon şəhərində, UEFA-nın mənzil-qərargahının ərazisində yerləşən stadionda təşkil olunmuş, 2014-cü ildə keçiriləcək Yeniyetmələr arasında Olimpiya Oyunlarına seçmə turnirində İsrail komandası ilə qarşılaşmışdır.

AFFA-dan AZƏRTAC-a bildirmişlər ki, yığmamız 2:0 hesabı ilə qələbə qazanmışdır. Qolları Nərmin İsmayılova və Gültac Məmmədəliyeva vurmuşlar.

Futbolçularımız oktyabrın 16-da keçiriləcək final oyununda Slovakiya - Rumıniya qarşılaşmasının qalibi ilə üz-üzə gələcəklər.

Xatırladaq ki, mini-turnirin qalibi Yeniyetmələr arasında Olimpiya Oyunlarına vəsiqə qazanacaqdır.