Bakı, 6 avqust (AZƏRTAC). Xəbər verildiyi kimi, İtaliyanın Turin şəhərində VIII Dünya Veteran Oyunları keçirilir.

AZƏRTAC xəbər verir ki, Dünya Oyunlarında ağır atletika üzrə veteranlardan ibarət milli yığmamız da Natiq Ağayevin və baş məşqçi Oqtay Muxtarovun rəhbərliyi altında iştirak edir.

Yığmamızın heyətində dünya və Avropa rekordçusu, idman ustası Akif Alıyev (56 kq), Natiq Ağayev (105 kq-dan yuxarı), beynəlxalq dərəcəli idman ustası Asif Məlikov (69 kq), Teymur Əliquliyev (85 kq), Aftandil Hümbətli (69 kq), Emil Əliyev (70 kq), Namiq Ağayev (77 kq), İltifat Məmmədov (94 kq), Vladimir Jilyayev (85 kq), Natiq Həsənov (85 kq), Səbinə Rzayeva (69 kq) və Xatirə Şahverdi (63 kq) yer almışlar.

Bu yarışda 29 idman növü üzrə 30 minə yaxın, 35 yaşdan 100 yaşadək veteran idmançılar öz qüvvələrini sınayırlar.