Azərbaycanın Gürcüstandakı səfirliyi bu ölkədə cəza çəkən azərbaycanlı məhbuslara Novruz sovqatı verib
Tbilisi, 19 mart, AZƏRTAC
Azərbaycanın Gürcüstandakı səfirliyi Gürcüstanın müxtəlif cəzaçəkmə müəssisələrində cəza çəkən azərbaycanlı məhbuslara Novruzla əlaqədar bayram sovqatı hədiyyə edib.
Səfirlikdən AZƏRTAC-a bildiriblər ki, ümumilikdə 78 məhbusa Novruz bayramı ilə əlaqədar təbrik açıqcaları, səməni, şəkərbura, paxlava, müxtəlif rənglərlə boyadılmış yumurta və digər Novruz atributları təqdim olunub.
Məlumat üçün bildirək ki, Gürcüstan həbsxanalarında 78 azərbaycanlı cəza çəkir. Onlardan 11 nəfəri Kutaisi ərazisindəki həbsxanalardadır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
