Bakı, 21 oktyabr (AZƏRTAC). Qazaxıstanın Almatı şəhərində boks üzrə dünya çempionatı davam edir.

AZƏRTAC xəbər verir ki, çempionatın növbəti günündə Azərbaycan milli komandasının üzvü Teymur Məmmədov (91kq) rinqə çıxmışdır. O, AİBA-nı təmsil edən hindistanlı Manpret Sinqhlə qarşılaşmışdır.

Üstün döyüş nümayiş etdirən titullu idmançımız qələbə qazanaraq, 1/4 finala çıxmışdır. Növbəti mərhələdə təmsilçimiz kubalı Erislandi Savonla üz-üzə gələcəkdir.

Xatırladaq ki, digər boksçumuz Cavid Çələbiyev (56 kq) də Keniyalı Benson Njanqirunu məğlub edərək 1/4 finala yüksəlmişdir. Onun növbəti rəqibi hindistanlı boksçu, AİBA-nın üzvü Şiva Tapa olacaqdır