Bakı, 13 avqust (AZƏRTAC). Azərbaycanın Qırğızıstandakı səfirliyi “Qırğızıstandakı azərbaycanlıların əlaqələndirmə mərkəzi” İctimai Birliyi avqustun 12-də azərbaycanlıların Bişkekdəki məscidində mübarək Ramazan bayramı münasibəti ilə iftar süfrəsi açmışdır.

Türkdilli Dövlətlərin Siyasətinə Dəstək Fondunun sədri Nüsrət Məmmədov AZƏRTAC-a bildirmişdir ki, tədbirdə iki yüzdən çox azərbaycanlı və digər qonaqlar iştirak etmişlər. Məscidin imamı Hacı İlqar Rəcəbov Azərbaycanın Qırğızıstandakı səfirliyinin müvəqqəti işlər vəkili İlqar Cabbarova və “Qırğızıstandakı azərbaycanlıların əlaqələndirmə mərkəzi” İctimai Birliyinin rəhbəri Cəbi Rəsulova iftar süfrəsinin təşkilinə görə minnətdarlığını bildirmiş, bu cür tədbirlərin azərbaycanlıların birliyinin möhkəmlənməsinə xidmət etdiyini vurğulamışdır.