Sumqayıt, 16 oktyabr ( AZƏRTAC). Oktyabrın 15-də Sumqayıtda Azərbaycanın və Rusiyanın veteranlardan ibarət yığma komandaları arasında yoldaşlıq oyunu keçirilmişdir.

AzərTac xəbər verir ki, maraqlı idman mübarizəsi şəraitində keçən görüşdə qalib müəyyənləşməmişdir - 1:1.

Azərbaycan Futbol Federasiyaları Assosiasiyası (AFFA) Hakimlər Komitəsinin sədri Xaqani Məmmədovun idarə etdiyi qarşılaşmada hesabı qonaqların heyətində Yuri Tatarkin açsa da, Sumqayıt klubunun baş məşqçisi Aqil Məmmədov fərqlənərək hesabı bərəbərləşdirmişdir.

Veteran futbolçular oktyabrın 15-də DÇ-2014-ün seçmə mərhələsi çərçivəsində keçirilmiş Azərbaycan - Rusiya oyunu birlikdə izləmişlər.