Bakı, 22 oktyabr (AZƏRTAC). Oktyabrın 22-də qadın voleybolçular arasında Çempionlar Liqasına start verilmişdir.

AZƏRTAC xəbər verir ki, Azərbaycan klublarından ilk olaraq mübarizəyə “Azəryol” qoşulacaqdır. Super Liqanın gümüş mükafatçısı İtaliyanın “Yamamay” komandasını qəbul edəcəkdir. Bakı Voleybol Mərkəzində keçiriləcək oyunu hakimlər Mixaylo Melnik (Ukrayna), Tomas Murulo (Estoniya) idarə edəcəklər.

Digər təmsilçimiz “İqtisadçı” komandası isə Çempionlar Liqasında debüt matçına çıxacaq. Bakı klubu Serbiyanın Belqrad şəhərindəki “Sumiçe” İdman Kompleksində “Srvena Zvezda” yığmasının qonağı olacaqdır. Oyunu hakimlər: Sotirios Delikostides (Yunanıstan), Dobromir Dobrev (Bolqarıstan) idarə edəcəklər.