Azərbaycanlı alimlərin həmmüəllifi olduqları məqalə nüfuzlu beynəlxalq jurnalda dərc edilib
Bakı, 2 mart, AZƏRTAC
AMEA-nın vitse-prezidenti, İnformasiya Texnologiyaları İnstitutunun direktoru, akademik Rasim Əliquliyev, şöbə müdiri, AMEA-nın müxbir üzvü Ramiz Alıquliyev və böyük elmi işçi, texnika üzrə fəlsəfə doktoru, dosent Lyudmila Suxostatın həmmüəllifi olduqları məqalə “Expert Systems with Applications” jurnalında dərc edilib.
İnstitutdan AZƏRTAC-a bildirilib ki, “Çəkili konsensus klasterləşmə və onun Big dataya tətbiqi” sərlövhəli məqalədə müəlliflərin müvafiq sahə üzrə eksperimentlərinin nəticələri əksini tapıb. İmpakt faktoru 4.292-yə bərabər olan “Expert Systems with Applications” jurnalı “Web of Science” və “Scopus” bazasında indeksləşir.
Tədqiqat Azərbaycan Respublikasının Prezidenti yanında Elmin İnkişafı Fondunun maliyyə yardımı ilə yerinə yetirilib.
Bölmənin digər xəbərləri
