Bakı, 17 yanvar (AZƏRTAC). Milli Məclisin deputatı Qənirə Paşayeva Şimali Kipr Türk Respublikası (ŞKTR) parlamentinin sədri Hasan Bozer ilə görüşmüşdür.

AZƏRTAC xəbər verir ki, azərbaycanlı deputat H.Bozerə SKTR-nin ilk prezidenti, görkəmli ictimai-siyasi xadim Rauf Denktaşın vəfatı ilə bağlı başsağlığı vermiş və Azərbaycan xalqının kədərini çatdırmışdır.

Q.Paşayeva Rauf Denktaşın bütün türk dünyasında, o cümlədən Azərbaycanda da çox sevildiyini bildirmişdir.

Deputat, həmçinin Türkiyənin “Kanal D”, “Kanaltürk”, CNN Türk televiziya kanallarına və “Sabah” qəzetinə müsahibəsində də azərbaycanlıların Rauf Denktaşa olan sevgisindən və onunla bağlı xatirələrindən danışmışdır.