“AZERCELL” “SMS GÜNLƏRİ” KAMPANİYASINA BAŞLAMIŞDIR
“Azercell” Birgə Müəssisəsi oktyabrın 1-dən dekabrın 31-dək “SMS günləri” kampaniyasına başlamışdır.
Müəssisədən AZƏRTAC-a bildirmişlər ki, gün ərzində 5 SMS göndərən abonentlər 5 pulsuz SMS göndərmək imkanı qazanacaqlar. Abonentlər 10 SMS-dən (5 pullu və 5 pulsuz) sonra təkrar göndərilən 5 pullu mesaj daha 5 pulsuz SMS-i yalnız şəbəkə daxilində deyil, qısa nömrələr və rouminqdə olduqları zaman istisna olmaqla, istənilən istiqamətə istifadə edə bilərlər. Bir gündə qazanılan pullu SMS-lər istifadə olunmadığı təqdirdə, sabahkı günə keçirilmir. Bu kampaniya bütün “Azercell” fakturalı və fakturasız xətt (SimSim və Bizdən-Bizə) abonentlərinə aiddir.
GəncSim abonentləri isə ay ərzində 15 pullu SMS göndərməklə, 15 pulsuz SMS qazanacaqlar. GəncSim abonentləri də hər ay ayrılan 15 hədiyyə SMS-ləri yalnız şəbəkə daxilində deyil, qısa nömrələr və rouminqdə olduqları zaman istisna olmaqla, istənilən istiqamətdə istifadə edə bilərlər. GəncSim tarif paketinin istifadəçilərinə kampaniya zamanı hədiyyə olunmuş 15 SMS bu tarif paketi çərçivəsində növbəti aylıq pulsuz hədiyyələr verilənədək istifadə olunmadıqda, növbəti aya keçirilmir.
Bölmənin digər xəbərləri
