Bakı, 17 dekabr (AZƏRTAC). Dekabrın 17-də voleybol üzrə qadınlar arasında Super Liqa yarışlarında ilin son oyunu keçirilmişdir.

AZƏRTAC xəbər verir ki, Azərbaycan Voleybol Federasiyasında birinci dövrənin ilk turundan təxirə salınmış “Azərreyl”–“Lokomotiv Biləcəri” görüşü oynanılmışdır.

Maraqlı idman mübarizəsi şəraitində keçən oyun 3:0 hesabı ilə “Azərreyl”in (26:24, 25:13, 25:22) xeyrinə başa çatmışdır.

Görüşün statistik nəticələrinə görə, “Azərreyl” komandasında Polina Rəhimova, “Lokomotiv Biləcəri”də isə Ayşən Abduləzimova ən çox xal qazanan oyunçu olmuşlar.