Bakı, 19 noyabr, AZƏRTAC

Azərbaycan Texniki Universitetinin (AzTU) Rəqəmsal Transformasiya üzrə Məşvərət Şurasının növbəti iclası keçirilib.

AzTU-dan AZƏRTAC-a bildirilib ki, iclasda universitetdə təhsil və tədrisin idarə edilməsi istiqamətində hazırlanan bir sıra rəqəmsal həllər, həmçinin universitetin yenilənmiş saytı şura üzvlərinə təqdim olunub.

AzTU-da texnoparkın yaradılması və universitet-sənaye işbirliyinin inkişaf etdirilməsi ilə bağlı məsələlər də şura üzvləri tərəfindən müzakirə olunub.

Rektor Vilayət Vəliyev AzTU-nun bu istiqamətdə əməkdaşlıq etdiyi xarici universitetlər və şirkətlər barədə məlumat verib.

İclasda universitet-sənaye işbirliyinin inkişafında ali təhsil müəssisələrinin üzərinə düşən öhdəliklərlə bağlı müzakirələr aparılıb və təkliflər verilib.