ELM VƏ TƏHSİL
Bağçalarda müdir vəzifəsinə işə qəbul üzrə müsabiqənin elektron sənəd qəbuluna başlanılır
Bakı, 25 noyabr, AZƏRTAC
Məktəbəqədər təhsil müəssisələrinə müdir vəzifəsinə işə qəbul üzrə müsabiqənin elektron sənəd qəbulu mərhələsinə start verilir.
Elm və Təhsil Nazirliyindən AZƏRTAC-a bildirilib ki, müsabiqənin elektron sənəd qəbulu mərhələsi noyabrın 27-dən dekabrın 4-dək aparılacaq. Müsabiqədə iştirak etmək istəyənlər noyabrın 27-si saat 11:00-dan dekabrın 4-ü saat 11:00-dək portala daxil olaraq qeydiyyatdan keçə bilərlər.
Müsabiqədə məktəbəqədər təhsil və ya pedaqoji sahə üzrə ali təhsili, məktəbəqədər təhsil müəssisəsində 3 ildən az olmayaraq pedaqoji stajı olan şəxslər iştirak edə bilərlər.
