Bakı Ali Neft Məktəbi Qazaxıstan universiteti ilə əməkdaşlıq haqqında memorandum imzalayıb
Bakı, 26 aprel, AZƏRTAC
Bakı Ali Neft Məktəbi (BANM) ilə Qazaxıstan-Britaniya Texniki Universiteti arasında anlaşma memorandumu imzalanıb.
Sənədi BANM-in rektoru Elmar Qasımov və Qazaxıstan-Britaniya Texniki Universitetinin rektoru Kenzebek İbraşev imzalayıblar.
Memorandumda iki universitet arasında tələbə və müəllim mübadilə proqramları, tədqiqat layihələrində və konfranslarda iştirak, birgə akademik proqramlarda, peşəkar inkişaf proqramları və təlimlərdə iştirak, fakültə üzvlərinin və tədqiqatçıların mübadiləsi, tələbələrin mübadiləsi kimi məsələlər əksini tapıb.
İmzalanma mərasimində E.Qasımov BANM-in fəaliyyəti, təlim-tədris proqramları, ali məktəbin son uğurları və yenilikləri haqqında qonaqlara məlumat verib. Rektor Qazaxıstan-Britaniya Texniki Universiteti ilə BANM arasında yaranan dostluq və əməkdaşlıqdan məmnunluğunu bildirib.
Sonda qonaqlar iki ali məktəb arasında əməkdaşlığın uğurlu olacağına əminliklərini bildiriblər.
Bölmənin digər xəbərləri
