Bakı, 26 may (AZƏRTAC). Mayın 26-da günorta saatlarında Bakı-Astara yolunda ağır yol nəqliyyat hadisəsi baş vermişdir.

Fövqəladə Hallar Nazirliyindən AZƏRTAC-a bildirmişlər ki, Azad Bəhmənov sürdüyü “VAZ-2107” markalı avtomobilin idarəetməsini itirərək yol kənarındakı ağaca vurmuşdur.

Nəticədə sürücü A.Bəhmənov və avtomaşında olan sərnişin 1976-ci il təvəllüdlü Ramil Kərimov aldıqları bədən xəsarətlərindən hadisə yerində ölmüşlər. Onların cəsədləri yanğınsöndürən-xilasedicilər tərəfindən müxtəlif alət və avadanlıqdan istifadə etməklə avtomobildən çıxarılmışdır. Müxtəlif dərəcəli bədən xəsarətləri almış digər sərnişin isə xəstəxanaya yerləşdirilmişdir.

Hadisə ilə əlaqədar müvafiq qurumlar tərəfindən təhqiqat aparılır.