Bakı Beynəlxalq Avtovağzalında sərnişin azlığı müşahidə olunur
Bakı, 8 fevral (AZƏRTAC). Hava şəraitinin yenidən pisləşməsi Bakı Beynəlxalq Avtovağzalından istifadə edən sərnişinlərin azalmasına səbəb olmuşdur.
Bakı Beynəlxalq Avtovağzalından AZƏRTAC-a bildirmişlər ki, sərnişin azlığı səbəbindən avtobusların cədvəl üzrə hərəkətinə düzəlişlər edilmişdir. Belə ki, avtobuslar arasında interval uzadılmışdır.
Bununla yanaşı, Ağsu-Şamaxı və Qəbələ-İsmayıllı avtomobil yolları təhlükəli olduğu üçün bu yollardan hələ ki, istifadə olunmur. Respublikanın Şimal istiqamətində hərəkət edən avtobuslar yolun vəziyyətindən və hava şəraitindən asılı olaraq gecikmə ilə hərəkət edirlər.
Bölmənin digər xəbərləri
