Bakı Kitab Mərkəzində “Dostluğa açılan qapı” adlı xeyriyyə şənliyi keçirilib
Bakı, 13 mart, AZƏRTAC
Martın 13-də Bakı Kitab Mərkəzində Bakı şəhəri 2 nömrəli Uşaq-Gənclər İnkişaf Mərkəzinin (UGİM) iştirakı ilə 10 nömrəli sanatoriya tipli internat məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
AZƏRTAC xəbər verir ki, tədbir çərçivəsində Novruz bayramının adət-ənənələrini əks etdirən rəsm əsərlərindən ibarət sərgi, uşaqlar üçün ekskursiya, oxu saatı və əl işləri dərnəyi təşkil olunub.
Tamaşada UGİM-in gənc aktyorları Bahar qız, Kosa, Keçəl, Tıq-Tıq xanım, Siçan bəy və digər personajları canlandırıb, milli və dünya xalqlarının rəqslərini nümayiş etdiriblər.
Uşaqlara suvenirlər və kitablar paylanılıb.
Tədbirdə Regional İnkişaf İctimai Birliyinin könüllüləri yaxından iştirak ediblər.
Bölmənin digər xəbərləri
