BAKI ŞƏHƏRİ ÜZRƏ 1 SOT TORPAĞIN ORTA QİYMƏTİ 3,2 FAİZ ARTMIŞDIR
“Əmlak Bazarı İstehlakçıları” İctimai Birliyindən AZƏRTAC-a bildirmişlər ki, apreldə torpaq bazarında bağlanan alqı-satqı əqdlərinin sayında ciddi artım müşahidə olunmamış və bazarın fəallığı ötən ayda olduğu kimi aşağı həddə qalmışdır.
Aprel ayında Bakı şəhəri üzrə torpaq bazarında 1 sot torpağın qiyməti 3,2 faiz artaraq 24 min 618 ABŞ dolları (martda 23 min 854 dollar) səviyyəsinə çatmışdır.
Ay ərzində şəhərətrafı və şəhərdən kənar rayonlarda torpağa tələb mərkəzə nisbətən daha yüksək olmuş, qiymət indeksinin artımı məhz ucuz ərazilər hesabına baş vermişdir. Bu vəziyyət isə şəhərin mərkəzində torpaq sahələrinin azalması və qiymətlərin yüksək olması ilə bağlıdır.
Bölmənin digər xəbərləri
