BAKI-TBİLİSİ-CEYHAN ƏSAS İXRAC NEFT KƏMƏRİNİN TİKİNTİSİ ÜÇÜN TORPAQ SAHƏLƏRİNİN ALINMASINA BAŞLANMIŞDIR
Azərbaycan Beynəlxalq Əməliyyat Şirkətindən AZƏRTAC-ın müxbirinə bildirmişlər ki, kəmərin əsas operatoru olan bp şirkətinin nümayəndələri hazırda 13 rayonda -Qaradağ, Abşeron, Hacıqabul, Kürdəmir, Ağsu, Ucar, Ağdaş, Yevlax, Goranboy, Samux, Tovuz, Şəmkir və Ağstafada torpaq mülkiyyətçiləri ilə danışıqlar aparırlar. İndiyədək 3 minə yaxın müqavilə imzalanmışdır. Bu da bağlanması nəzərdə tutulan ümumi müqavilələrin 70 faizi deməkdir. Aprelin 1-dək bu proses başa çatdırılacaqdır.
Torpaq sahiblərinə kompensasiyalar yerlərdə ödəniləcəkdir. Bu məqsədlə rayonlarda müvafiq bankların filialları fəaliyyət göstərəcək və həmin filiallarda torpaq sahiblərinin adına fərdi hesablar açılacaqdır. Əhalinin payına düşən konpensasiyalar bu il iyunun axırınadək tam ödəniləcəkdir.
Bölmənin digər xəbərləri
