Bakı, 12 aprel (AZƏRTAC). Aprelin 15-dən 20-dək Bakıda uşaqlar arasında beynəlxalq şahmat turniri keçiriləcəkdir. AZƏRTAC xəbər verir ki, “Odlar yurdu” universitetində keçirilən yarışlarda Azərbaycan, Rusiya, Bolqarıstan, Polşa, Hindistan, İran, Gürcüstan və Cənubi Afrika Respublikasını təmsil edən 14 yaşa qədər şahmatçılar iştirak edəcəklər.

Ənənəvi turnirin təşkilatçıları “British School” və “Gənclik” şahmat klubudur.

Turnirin qalibinə və mükafata layiq yerləri tutan digər idmançılara qiymətli hədiyyələr veriləcəkdir.