Bakı, 16 aprel (AZƏRTAC). Qadın voleybolçular arasında Azərbaycan Super Liqası yarışlarının ən məhsuldar oyunçusunun adı açıqlanmışdır.

AZƏRTAC xəbər verir ki, 2011/2012-ci il mövsümünün bombardiri adını Nensi Metkalf qazanmışdır. “Lokomotiv”in amerikalı legioneri bununla bağlı xüsusi mükafata layiq görülmüşdür.

Qeyd edək ki, cari mövsümdə Super Liqanın gümüş medalını qazanan “Lokomotiv” Çellenc Kuboku yarışlarının qalibi olmuşdur. Bu yarışda da N.Metkalf ən yaxşı oyunçu seçilmişdi.