Bakı, 22 avqust (AZƏRTAC). Bakının “Neftçi” futbol klubunun hücumçusu Bahodir Nasimov Özbəkistan milli komandasına dəvət olunmuşdur.

Klubdan AZƏRTAC-a bildirmişlər ki, futbolçu yığmasının heyətində dünya çempionatının seçmə mərhələsi çərçivəsində İordaniyaya qarşı keçiriləcək pley-off oyunlarında iştirak edə bilər. Özbəkistan milli komandası İordaniya yığması ilə sentyabrın 6-da səfərdə, dörd gün sonra isə doğma meydanda qarşılaşacaqdır.

B.Nasimov bu qarşılaşmalara hazırlıq məqsədi ilə avqustun 28-dən sentyabrın 5-dək və sentyabrın 7-dən 10-dək Daşkənddə təşkil olunacaq təlim-məşq toplanışına da dəvət almışdır.