Barselonada keçirilən xüsusi əməliyyat zamanı 60-dan çox Gürcüstan vətəndaşı saxlanılıb
Tbilisi, 5 aprel, AZƏRTAC
Gürcüstanın və İspaniyanın hüquq mühafizə orqanlarının əməkdaşları aprelin 4-də Barselonada “Merlin-taka” şərti adı ilə genişmiqyaslı xüsusi əməliyyat keçiriblər. Əməliyyatda Gürcüstan DİN-in 250 əməkdaşı iştirak edib.
AZƏRTAC xəbər verir ki, bu barədə Gürcüstanın Daxili İşlər Nazirliyi (DİN) məlumat yayıb. Məlumatda bildirilir ki, əməliyyat nəticəsində müxtəlif ölkələrin 100-dən çox vətəndaşı saxlanılıb. Onlardan 66-sı Gürcüstan vətəndaşı olub.
Gürcülərin 41-i miqrasiya qaydalarını pozduğuna, 25-i isə oğurluq və müxtəlif cinayətkar qrupların tərkibində olduqları üçün saxlanılıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
