Baş direktor: Mərkəzi Bank nəzarət funksiyasının effektiv təmin edilməsi məqsədilə ciddi islahatlara önəm verir
Bakı, 23 may, AZƏRTAC
Mərkəzi Bank tərəfindən cinayət yolu ilə əldə olunmuş əmlakın leqallaşdırılması və terrorçuluğa qarşı mübarizə tədbirləri ilə bağlı təlimatlar hazırlanıb. Bu tədbirlər beynəlxalq təcrübəyə əsaslanıb.
AZƏRTAC xəbər verir ki, bu barədə Mərkəzi Bankın baş direktoru Fuad İsayev “Konstitusiya və Suverenlik ili”nə həsr edilmiş “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizədə nəzarət orqanlarının rolu, vəzifələri və məsuliyyəti” mövzusunda keçirilən beynəlxalq elmi-praktik konfransda çıxışı zamanı bildirib.
O qeyd edib ki, bank tərəfindən nəzarət funksiyasının effektiv təmin edilməsi məqsədilə ciddi islahatlara önəm verilir.
“Belə ki, əgər maliyyə monitorinqi mərkəzi bir departament tərəfindən icra edilirdisə, hazırda struktur genişlənib. Mərkəzi Bank tərəfindən qanunvericiliyə uyğun olaraq təşkilatlarda yoxlamalar aparılır”, - deyə baş direktor qeyd edib.
Bölmənin digər xəbərləri
