Bakı, 30 sentyabr, AZƏRTAC

“Azərbaycandakı tədbirin təşkilatçılığı və Azərbaycan xalqının qonaqpərvərliyi məni çox heyran etdi”.

AZƏRTAC xəbər verir ki, bunu jurnalistlərə Beynəlxalq Prokurorlar Assosiasiyasının (BPA) 29-cu İllik Konfransı və Ümumi Yığıncağı çərçivəsində Beynəlxalq Prokurorlar Assosiasiyasının Baş katibi Roel Dona söyləyib.

Onun sözlərinə görə, Beynəlxalq Prokurorlar Assosiasiyasının 29-cu İllik Konfransı və Ümumi Yığıncağı çox səmərəli şəkildə keçir.

Tədbirin əhəmiyyətinə toxunan BPA-nın Baş katibi vurğulayıb ki, konfransın əsas məqsədi beynəlxalq əməkdaşlıq naminə insanları bir araya gətirməkdir.