BAZARA TƏKLİF OLUNAN QEYRİ-YAŞAYIŞ SAHƏLƏRİNİN SAYI ARTMIŞDIR
“Əmlak Bazarı İstehlakçıları” İctimai Birliyindən AZƏRTAC-a bildirmişlər ki, apreldə qeyri-yaşayış sahələrinin alqı-satqısı və icarəsi bazarında orta qiymətlərdə artım müşahidə edilmişdir.
Bakı şəhəri üzrə bir kvadratmetr qeyri-yaşayış sahəsinin orta qiyməti (təklif üzrə) qeydə alınan 3 min 417 ABŞ dollarından 3 min 542 dollara yüksəlmişdir. Martla müqayisədə qiymət artımı 3,3 faiz, cari ilin əvvəli ilə müqayisədə isə 38,6 faiz təşkil etmişdir.
Apreldə şəhərin bütün zonalarında sırf kommersiya məqsədi ilə istifadə olunan əmlakın orta satış qiymətində 3,3 faiz, icarə qiymətlərində isə 3 faiz artım qeydə alınmışdır.
Mövsümi ayların başlanması ilə əlaqədar martla müqayisədə aprel ayında bazara təklif olunan qeyri-yaşayış sahələrinin sayı 12,1 faiz artmışdır. Bazarda bağlanan əqdlərin sayı ötən ayla müqayisədə 1,5 faiz azalmışdır.
Bölmənin digər xəbərləri
