Bakı, 15 avqust, AZƏRTAC

Bakı Dövlət Universitetinin (BDU) Jurnalistika fakültəsində dörd kafedra (Yeni media və kommunikasiya nəzəriyyəsi, Milli mətbuat tarixi, Multimedia və elektron kommunikasiya, Beynəlxalq jurnalistika və informasiya siyasəti kafedraları), bir elmi-tədqiqat laboratoriyası, həmçinin Tədris teleradio studiyası, “Füyuzat” Media Mərkəzi, “ARB 24” televiziyasının “NewsLab” otağı və Azərbaycan Mətbuat Şurasının otağı fəaliyyət göstərir.

BDU-dan AZƏRTAC-a bildirilib ki, Jurnalistika fakültəsi ölkədə peşəkar jurnalistlər hazırlayan əsas bazadır.

Jurnalistika ixtisası üzrə universiteti bitirən məzunlar müxtəlif media qurumları, müəssisə və təşkilatların mətbuat xidmətləri, ictimaiyyətlə əlaqələr şöbələri, informasiya agentlikləri və reklam sahələrində çalışa bilərlər.

Fakültədə tədris Azərbaycan, rus və ingilis dillərində aparılır.