BDU-nun tələbələri qrant müsabiqəsinin qalibi olublar
Bakı, 4 fevral, AZƏRTAC
Bakı Dövlət Universitetinin (BDU) tələbələri Azərbaycan Dövlət Neft və Sənaye Universiteti (ADNSU) ilə birgə əməkdaşlıq çərçivəsində Azərbaycan Respublikasının Prezidenti yanında Elmin İnkişafı Fondu tərəfindən təşkil edilmiş gənc alim və tədqiqatçıların 6-cı qrant müsabiqəsinin qalibi olublar.
Bu barədə AZƏRTAC-a BDU-dan məlumat verilib. Bildirilib ki, müsabiqəyə kimya üzrə təqdim olunan layihələrdən ikisi yüksək qiymətləndirilib. Bunlardan biri BDU-nun Sənaye kimyası elmi-tədqiqat laboratoriyasının tələbələrinin və ADNSU-nun əməkdaşının təqdim etdiyi layihə olub.
Layihənin rəhbəri ADNSU-nun müəllimi kimya üzrə fəlsəfə doktoru Nərminə Quliyevadır. Layihə heyətinə BDU-nun Sənaye kimyası elmi-tədqiqat laboratoriyasında elmi-tədqiqat işi yerinə yetirən magistrantlar Gültəkin Mehrəliyeva və Samirə İsmayılova, bakalavr tələbə Ruslan Quliyev daxildir.
Layihə BDU-nun Sənaye kimyası elmi-tədqiqat laboratoriyasında və ADNSU-nun Neftin, Qazın Geotexnoloji Problemləri və Kimya Elmi-Tədqiqat İnstitutunda yerinə yetiriləcək.
Bölmənin digər xəbərləri
