BELARUSUN AZƏRBAYCANDAKI SƏFİRİ BAKI SLAVYAN UNİVERSİTETİNDƏ OLMUŞDUR
Bakı, 3 aprel (AZƏRTAC). Belarusun Azərbaycandakı səfiri Nikolay Pastkeviç Bakı Slavyan Universitetində (BSU) olmuşdur.
BSU-dan bildirmişlər ki, görüşdə rektor, AMEA-nın müxbir üzvü Kamal Abdullayev Azərbaycan ilə Belarus arasındakı təhsil əlaqələrinin əhəmiyyətini vurğulamışdır.
Bu yaxınlarda Belarusun M.Tanka adına Pedaqoji Universitetində azərbaycanşünaslıq ixtisasının açılmasının nəzərdə tutulduğunu qeyd edən rektor, həmçinin, Bakı Slavyan Universitetində belarusşünaslıq ixtisasının tədris olunacağını da diqqətə çatdırmışdır.
Səfir N.Pastkeviç ölkəsinin iqtisadiyyatı, mədəniyyəti, təhsil sistemi barədə ətraflı məlumat vermişdir. O, ölkələrimiz arasındakı əməkdaşlığın daha da inkişaf edəcəyinə əminliyini də vurğulamışdır.
Bölmənin digər xəbərləri
