“BƏXTİMƏ DÜŞƏN SƏNƏT: NAZİM AĞAYEV” SƏNƏDLİ FİLMİNİN İSTEHSALI BAŞA ÇATMIŞDIR
AZƏRTAC “Azərbaycan Televiziya və Radio Verilişləri” QSC-nin mətbuat xidmətinə istinadla xəbər verir ki, “Azərbaycantelefilm” Yaradıcılıq Birliyində “Bəxtimə düşən sənət: Nazim Ağayev” sənədli filminin istehsalı başa çatmışdır.
Eldar İskəndərzadənin ssenarisi əsasında rejissor Vasif Məmmədzadənin quruluşunda lentə alınan yeni ekran əsərində Azərbaycan folkloruna məxsus mahnıları bənzərsiz ifası ilə professional səhnəyə gətirmiş Nazim Ağayevin ifasında xalqımızın adət-ənənəsindən, toy mədəniyyətindən, yaddaşımızdan qopub gələn nəğmələr təqdim olunur.
Filmdə Nazim Ağayevdən Həşim Kələntərlinin repertuarına yeni çalarlar qataraq 1937-ci illərdə qadağan edilmiş bir sıra milli mahnılarımızı qoruyan sənətkar kimi də söz açılır.
Yaxın günlərdə AzTV-də təqdim olunacaq filmin quruluşçu operatoru Mahir Cahangirovdur.
Bölmənin digər xəbərləri
