Birinci rübdə 283 minik avtomobili istehsal olunub
Bakı, 27 aprel, AZƏRTAC
Cari ilin yanvar-mart aylarında 283 minik avtomobili istehsal edilib.
Dövlət Statistika Komitəsindən AZƏRTAC-a bildirilib ki, 3 ayda maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 53,7 milyon manatlıq məhsul istehsal edilib. Ötən ilin müvafiq dövrü ilə müqayisədə avtomobil, qoşqu və yarımqoşquların istehsalı 85,6 faiz, maşın və avadanlıqların istehsalı 13,2 faiz, sair nəqliyyat vasitələrinin istehsalı isə 2,6 faiz artıb.
Rüb ərzində 313 ədəd traktor, 283 ədəd minik avtomobili istehsal olunub, fəvvarə armaturunun istehsalı 46,7 faiz, ştanqlı quyu nasoslarının istehsalı 46,1 faiz artıb.
Bölmənin digər xəbərləri
