BİZ SİYASİ SƏRİŞTƏSİZLƏRİN RƏHBƏRLİK ETDİKLƏRİ PARTİYANIN SIRALARINDA QALA BİLMƏRİK
ADP MİNGƏÇEVİR ŞƏHƏR TƏŞKİLATI ÜZVLƏRİNİN AZƏRTAC-A DAXİL OLMUŞ BƏYANATINDA BELƏ DEYİLİR
Lakin 2003-cü il oktyabrın 15-də keçirilən növbəti prezident seçkiləri ərəfəsində partiyamızda baş verənlər bizim bütün planlarımızı puça çıxardı, partiya rəhbərlərimizə olan inam və etibarın tamamilə itirilməsinə səbəb oldu. Belə ki, partiya liderlərimizin tutduğu mövqe, bizlərin rəyini və təklifini nəzərə almadan tamamilə əks qütbdə dayanan partiyalarla sazişə girmələri və onları müdafiə etmələri, ən başlıcası isə seçkilərdən sonra ölkədə ictimai-siyasi sabitliyi pozmağa, vətəndaş qarşıdurması yaratmağa və qan tökülməsinə rəvac verməsi bizim baxışlarımızla qətiyyən uyğun gəlmir və biz onların bu mövqeyi ilə heç cür razılaşa bilmirik. Müsavat kimi qaragüruhçu, araqarışdıran, kütləvi iğtişaşlar törətməklə hakimiyyətə gəlmək mövqeyini tutan radikal partiya ilə danışığa getmək, seçki kampaniyasında ona dəstək vermək bizim partiyanın demokratik ideallarına uyğun gəlmir və bu yalnız bizdə təəssüf hissi doğurur. İsa Qəmbər və onun ətrafındakıların atdığı siyasi addımların qeyri-demokratikliyini biz sıravi partiya üzvləri aydın gördüyümüz halda, Rəsul Quliyevin, Sərdar Cəlaloğlunun bunu görə bilməmələrini biz yalnız siyasi səriştəsizlik hesab edirik və bundan sonra bu şəxslərin rəhbərlik etdikləri partiya sırlarında qalmağı özümüzə təhqir kimi qəbul etməklə, ADP sıralarından çıxdığımızı bəyan edirik.
ADP Mingəçevir şəhər təşkilatının üzvləri:
Kərimov Ramin Sahib oğlu,
Həsənov Eldəniz Məhəmmədiyə oğlu,
Ağayev Anar Saleh oğlu
Babayev Oqtay Həsən oğlu
Əliyev Aydın Əli oğlu.
Bölmənin digər xəbərləri
