BMT-dən Xəlifə Haftara çağırış: Tripoliyə hücumu dayandırın
Bakı, 6 aprel, AZƏRTAC
BMT Təhlükəsizlik Şurası Tripoli şəhərini ələ keçirmək üçün aprelin 5-də hərbi qüvvələri səfərbər edən Liviya Milli Ordusunun komandanı feldmarşal Xəlifə Haftarı hücumu dayandırmağa çağırıb.
AZƏRTAC xarici KİV-ə istinadla xəbər verir ki, Almaniyanın BMT-dəki daimi nümayəndəsi Kristof Heusgen jurnalistlərə müsahibəsində BMT TŞ-nin Liviyada müşahidə edilən hərbi hərəkətlilikdən narahat olduğunu bildirib.
Xatırladaq ki, 2011-ci ildə Müəmmar Qəddafinin silahlı münaqişə nəticəsində devrilməsi və qətlindən sonra Liviya gərgin siyasi böhran dövrü yaşayır.
Bölmənin digər xəbərləri
