Azərbaycanın İsveçdəki səfiri COP29-a hazırlıq prosesi haqqında məlumat verib
Stokholm, 5 mart, Nərgiz Cəfərli, AZƏRTAC
Martın 5-də Azərbaycan Respublikasının İsveç Krallığındakı səfiri Zaur Əhmədov İsveçin iqlim məsələləri üzrə səfiri, bu ölkənin BMT-nin İqlim Dəyişikliyi üzrə Çərçivə Konvensiyası üzrə nümayəndə heyətinin rəhbəri, səfir Mattias Frumerie və onun katibliyinin üzvləri ilə görüş keçirib.
AZƏRTAC xəbər verir ki, görüş zamanı qarşı tərəfə 2024-cü ilin noyabr ayında Azərbaycanda keçiriləcək COP29-a hazırlıq prosesi haqqında məlumat verilib, bu mötəbər beynəlxalq tədbirlə bağlı Azərbaycan və İsveç arasında mümkün qarşılıqlı fəaliyyət imkanları barədə fikir mübadiləsi aparılıb.
Həmçinin, İsveçin iqlim məsələləri üzrə səfirinin qarşıdakı dövrdə Azərbaycana edəcəyi səfərin müvafiq əməkdaşlıq imkanlarının azərbaycanlı tərəfdaşlarla ətraflı müzakirəsinə imkan yaradacağına ümid ifadə edilib.
Bölmənin digər xəbərləri
