Bakı, 16 aprel (AZƏRTAC). Türkiyənin Trabzon şəhərində boks üzrə Avropa Olimpiya təsnifat turnirinə start verilmişdir.

AZƏRTAC xəbər verir ki, yarışın ilk günündə 2 boksçumuz – Vətən Hüseynli (81 kq) və Elvin İsayev rinqə çıxmışdır. V.Hüseynli İspaniya idmançısı Abner Lloverasla döyüşdə ilk raundu 2 xal fərqlə öndə qapamışdır. İkinci raundda hər iki boksçunun 4 dəqiq zərbəsi qeydə alınmışdır. Yekunda boksçumuz 17:14 hesabı ilə qələbə qazanmışdır. Həmyerlimiz növbəti mərhələdə erməni Artur Xaçatryanı məğlub etmiş polşalı Mateuş Triçlə qarşılaşacaqdır.

E.İsayev isə Trabzonda ilk döyüşünü Rumıniya təmsilçisi Aleksandru Çiçeryanunu mübarizədən kənarlaşdırmışdır. Hər 3 raundda rəqibindən daha yaxşı təsir bağışlayan həmyerlimiz növbəti mərhələyə yüksəlmişdir.

Qeyd edək ki, turnirdə E.İsayev və V.Hüseynli ilə yanaşı, daha 3 boksçumuz qüvvəsini sınayır.