Bakı, 18 oktyabr (AZƏRTAC). Xəbər verildiyi kimi, Qazaxıstanın Almatı şəhərində boks üzrə dünya çempionatı keçirilir.

AZƏRTAC xəbər verir ki, milli komandamızın üzvlərindən ilk olaraq Cavid Çələbiyev (56 kq) rinqə çıxmışdır. Həmyerlimiz gərgin mübarizə şəraitində keçən döyüşdə tacikistanlı Oraz Avzalşoevi məğlub etmişdir.

C.Çələbiyev 1/16 finalda Olimpiya oyunlarının mükafatçısı, “Baku Fires” klubunun sabiq üzvü Tuqsqot Nayambayarla (Monqolustan) qarşılaşacaq.

Digər idmançımız Soltan Migitinov (75 kq) yamaykalı Conatan Hansonla yarışacaq.