Bakı, 14 noyabr, AZƏRTAC

İqlim gündəliyi ölkələrə iqtisadi fayda gətirməli, sadəcə məsrəf mənbəyinə çevrilməməlidir. Bu, müxtəlif ölkələrin hakimiyyət orqanlarının istixana qazı emissiyalarını azaltmaq üçün özəl investorların səylərinin kommersiyalaşdırıla biləcəyi məcburi karbon vahidləri bazarının formalaşdırılması ilə bağlı “aydın və qəti şəkildə” razılığa gəlməsini tələb edir.

AZƏRTAC xəbər verir ki, bu sözləri Rusiya Prezidentinin davamlı inkişaf məqsədlərinə nail olmaq üçün beynəlxalq təşkilatlarla əlaqələr üzrə xüsusi nümayəndəsi Boris Titov Bakıda keçirilən BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasında çıxışı zamanı deyib.

Titovun mətbuat xidməti onun sözlərini sitat gətirir. “Karbon kreditlərinin vahid bazarı özəl sektorun emissiyaları azaltmaq üçün səylər göstərməsində əsas stimuldur. Amma bu gündəmi stimullaşdıran müxtəlif ölkələrin hökumət orqanlarıdır. Ən real yol həmfikir ittifaqlar – Şanxay Əməkdaşlıq Təşkilatı və BRICS çərçivəsində karbon bazarlarının yaradılmasıdır. Hazırkı COP29 konfransı qlobal istiləşməyə qarşı mübarizədə gələcək iqtisadi ittifaqların yaradılması üçün yaxşı zəmin yaradır”.

Xüsusi nümayəndənin sözlərinə görə, “bütün dünyanın səyləri ilə” Dayanıqlı İnkişaf Məqsədlərinin həyata keçirilməsinə nail olmaq mümkün deyil. “Çoxtərəfli yanaşma hələ də birtərəfli fayda əldə etmək üçün onların siyasiləşdirilmiş istifadəsi ilə əvəz olunur. Məsələn, Rusiya bir çox DİM-lərdə böyük irəliləyiş əldə edir və şirkətlərimiz ESG (Ekoloji, Sosial, İdarəetmə, “Ekologiya, Sosial Siyasət və Korporativ İdarəetmə” – red.) təcrübələrini inkişaf etməkdə olan ölkələrlə bölüşə bilər. Amma bunun üçün müvafiq mexanizm yoxdur. BMT-dəki nailiyyətlərimiz siyasi təzyiqə görə eşidilmir. Ona görə də Rusiya üçün regional əməkdaşlıq qruplarından, “ortaq baxışlara malik dostlar” icmalarından istifadə etmək daha səmərəli olardı”, -deyə o qeyd edib.