Xəzərin dərin sulu hissəsində yerləşən Azəri-Günəşli-Çıraq neft-qaz yataqlarının tammiqyaslı işlənməsini nəzərdə tutan Faza 3 layihəsi üzrə bp şirkəti ATA (AMEK,Tekfen, Azfen) konsorsiumu ilə 175 milyon ABŞ dolları həcmində müqavilə imzalamışdır.

bp-nin mətbuat xidmətindən AZƏRTAC-a bildirmişlər ki, müqaviləyə texnoloji emal, qaz kompressoru, suvurma və texnoloji təchizat platformasının yığılması, quraşdırılması və istismara verilməsi daxildir. Bu işlər Azfenin Bibiheybətdəki, Tekfenin Ceyhandakı tikinti-quraşdırma sahəsində iki il müddətində yerinə yetirəcəkdir. Artıq mühəndis-layihə işlərinə başlanmışdır.