Bakı, 19 avqust (AZƏRTAC). “Royal Bank of Scotland”, “Societe Generale”, “BNP Paribas” və “Standard Chartered” bankları Azərbaycanda iri enerji layihələrinin iştirakçısı olan bp şirkətinə ümumi məbləği 5 milyard ABŞ dolları olan iki uzunmüddətli kredit təqdim edəcəklər.

AZƏRTAC “Reuters” agentliyinə istinadla xəbər verir ki, bu məbləğin 2 milyard dollarını “Royal Bank of Scotland”, “Societe Generale”, qalan hissəsini isə “BNP Paribas” və “Standard Chartered” verəcəklər. Kreditlər 2015-ci il iyunun 30-dək ödənilməlidir.

Kreditlər ümumi korporativ məqsədlərə, o cümlədən şirkətin ümumi likvidlik səviyyəsinin yaxşılaşdırılmasına sərf olunacaqdır. Xüsusilə, 2 milyard dollar Xəzərin Azərbaycan sektorunda olan “Azəri-Çıraq-Günəşli” yataqlar blokunun işlənilməsinə yönəldiləcəkdir.