Bakı, 26 may (AZƏRTAC). Braziliyada birdən-birə 5 avtobusun iştirakı ilə baş verən ağır yol qəzasında 6 nəfər həlak olmuş, 200 adam yaralanmışdır.

Yol qəzası ölkənin şərqində Baiya ştatının İtamaraju yaşayış məntəqəsinin yaxınlığında baş vermişdir.

Məlumata görə, güclü duman şəraitində avtobuslardan biri eyni istiqamətində hərəkət edən krana çırpılmışdır.

Salondan yolun hərəkət hissəsinə çıxan sərnişinləri digər avtobuslar vurmuşdur.

Xəsarət alanlar müxtəlif dərəcəli zədələrlə xəstəxanaya yerləşdirilmişlər. Onlardan səkkizinin vəziyyəti son dərəcə ağır qiymətləndirilir.