Braziliyada güclü yanğından sonra binanın uçması nəticəsində 45 nəfər itkin düşüb
Bakı, 2 may, AZƏRTAC
Braziliyanın San-Paulu şəhərində güclü yanğından sonra 26 mərtəbəli binanın uçması nəticəsində 45 nəfər itkin düşüb.
AZƏRTAC RİA Novosti agentliyinə istinadla xəbər verir ki, bu barədə "Globo" kanalı məlumat yayıb.
Bina çərşənbə axşamına keçən gecə yanıb və daha sonra uçub. Alov yaxınlıqdakı binaya da keçib, lakin yanğınsöndürənlər onu nəzarət altına götürüblər və bütün binaya yayılmasının qarşısını alıblar.
Ümumilikdə binada 50 ailənin qeydiyyatdan keçdiyi bildirilir.
Bölmənin digər xəbərləri
