Bu ay “Gənclərə dəstək” layihəsi çərçivəsində Bakıda iki konsert təşkil olunacaq
Bakı, 8 yanvar, AZƏRTAC
Bu ay “Gənclərə dəstək” layihəsi çərçivəsində iki konsert proqramı təşkil olunacaq.
AZƏRTAC xəbər verir ki, hər iki konsert M.Maqomayev adına Azərbaycan Dövlət Akademik Filarmoniyasında və Filarmoniyanın nəzdində olan kamera və orqan musiqi zalında gerçəkləşəcək.
Yanvarın 23-də təqdim ediləcək birinci konsert “Qış kaleydoskopu” adı altında təşkil olunacaq.
Yanvarın 25-də təqdim olunacaq ikinci konserti Q.Qarayev adına Azərbaycan Dövlət Kamera Orkestri müşayiət edəcək.
Mədəniyyət Nazirliyinin dəstəyi, “Mədəniyyət” kanalı və Azərbaycan Dövlət Filarmoniyasının birgə təşkilatçılığı ilə gerçəkləşən layihə çərçivəsində ötən il 20-dən çox konsert proqramı təqdim olunub.
Bölmənin digər xəbərləri
