Bakı, 19 yanvar (AZƏRTAC). Bu gün qadın voleybolçular arasında CEV kuboku yarışlarının səkkizdəbir final mərhələsinə yekun vurulacaqdır.

AZƏRTAC xəbər verir ki, yarışda ölkəmizi təmsil edən paytaxtın “İqtisadçı” klubu Bakı İdman Sarayında İtaliyanın “Yamamay” komandasını qəbul edəcəkdir.

Oyunu finlandiyalı baş hakim Sari Kolehmaynen idarə edəcəkdir. Ona israilli hakim Roy Qoren kömək edəcəkdir.

Xatırladaq ki, komandalar arasında İtaliyada keçirilən ilk görüş “Yamamay”ın 3:0 hesablı qələbəsi ilə başa çatmışdı.