Tərtər, 13 dekabr, AZƏRTAC

Tərtər rayonunda əhalinin əsas məşğuliyyət növlərindən biri bağçılıq və tingçilikdir. Son illərdə kənd təsərrüfatının digər sahələri kimi, bu istiqamətdə də inkişafa nail olunub.

Rayon Statistika İdarəsindən AZƏRTAC-ın bölgə müxbirinə bildirilib ki, rayonda 1664,2 hektar meyvə bağları və giləmeyvəlik var. Meyvə bağları və giləmeyvəliklərin 1509,4 hektarı bar verəndir. Həmin bağlardan 2022-ci ildə 16 min 352,6 ton meyvə və giləmeyvə yığılıb. Hər hektardan orta məhsuldarlıq meyvə və giləmeyvə üzrə 2021-ci ilə nisbətən 15,6 sentner artaraq 108,3 sentner olub.

Cari ildə 25,4 hektar sahədə yeni meyvə bağları və giləmeyvəlik salınıb. Onun 14 hektarı xurma, 5 hektarı gilas, 2 hektar alça, 1,4 hektar ərik, 1 hektarı alma, 1 hektarı armud bağları, 1 hektarı çiyələkdir. Bu il rayonun təsərrüfatlarında 1 milyon 290 min ədəd meyvə, 51 min ədəd dekorativ bitki tingləri yetişdirilib.