Kiyev, 19 aprel, AZƏRTAC

Bu ilin yanvar-mart aylarında Azərbaycanla Ukrayna arasında ticarət dövriyyəsi 402 milyon dollardan çox olub.

AZƏRTAC xəbər verir ki, həmin dövrdə Azərbaycan bu ölkədən 85 milyon 218 min dollarlıq məhsul idxal edib. Ölkəmizin Ukraynaya ixrac etdiyi məhsulun dəyəri isə 317 milyon 272 min dollar olub.

Xatırladaq ki, ötən il Azərbaycanla Ukrayna arasında ticarət dövriyyəsi 922,5 milyon dollar olub. Ukrayna postsovet məkanında Azərbaycanla ticarət dövriyyəsinə görə Rusiyadan sonra ikincidir.

Emil Hüseynli

AZƏRTAC-ın xüsusi müxbiri

Kiyev