Bakı, 14 avqust (AZƏRTAC). Dövlət Statistika Komitəsindən AZƏRTAC-a bildirmişlər ki, muzdla işləyənlərin orta aylıq əmək haqqı bu ilin yanvar-iyul aylarında 5,3 faiz artaraq 316,3 manata çatmışdır.

Bununla yanaşı, sənaye, tikinti, nəqliyyat və digər sahələrdə işləyənlərin əmək haqqı daha yüksək olmuşdur. Yanvar-iyun ayları ərzində sənayedə çalışanların orta aylıq əmək haqqı 453,2 manat, tikinti kompleksində işləyənlərin isə 496,7 manat olmuş və ötən illə müqayisədə müvafiq olaraq 6 faiz və 11,8 faiz artmışdır.