Bu ilin məzunları sırasında uşaq evi sosial xidmət müəssisələrinin bir qrup sakini də var
Bakı, 15 iyun, AZƏRTAC
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Uşaq evi sosial xidmət müəssisələrində yaşayan bir qrup uşaq üçün builki tədris ilində son zəng çalınıb.
Nazirliyin İctimaiyyətlə əlaqələr şöbəsindən AZƏRTAC- a verilən məlumata görə, Agentliyin 6 saylı Uşaq evi sosial xidmət müəssisəsi, 2 saylı Ailə tipli kiçik Qrup evi sosial xidmət müəssisəsi və digər müəssisələrdə yaşayan ümumilikdə 13 nəfər 11-ci sinfi bitirib. Onlardan 8-i qız, 5-i oğlandır.
Məktəb təhsilini uğurla bitirən benefisiarlar orta-ixtisas və ali təhsil müəssisələrinə qəbul olunmaq üçün müraciət ediblər.
Bölmənin digər xəbərləri
