Bakı, 27 avqust, AZƏRTAC

2015-ci ilin yanvar-iyul aylarında ölkəmizdə yük daşınmasında ümumi ixracın həcmi 16 milyon 698 min 540,51 ton olub.

Dövlət Gömrük Komitəsindən AZƏRTAC-a bildirilib ki, ümumi ixracın 39 min 865,78 tonu dəniz nəqliyyatının, 1 milyon 974 min 824,87 tonu dəmir yolu nəqliyyatının, 304 min 228,24 tonu avtomobil nəqliyyatının payına düşür. Hava nəqliyyatı üzrə 1045,88 ton, stasionar nəqletmə vasitələri üzrə 14 milyon 378 min 203,71 ton, özü hərəkət edən vasitələr üzrə isə 372,04 ton yük ixrac olunub.