Bu mövsüm Çempionlar Liqasında ən çox gəlir əldə edən klub açıqlanıb

17.04.2025 [18:50]
Çap et
A⁺ A^-

Bakı, 17 aprel, AZƏRTAC

Bu mövsüm UEFA Çempionlar Liqasında ən çox gəlir əldə edən klub bəlli olub.

AZƏRTAC xarici mətbuata istinadən xəbər verir ki, bu, Fransanın PSJ komandasıdır. Paris təmsilçisi turnirin cari mövsümündə indiyədək 119,4 milyon avro qazanıb.

Bu göstərici üzrə ikinci pillədə İtaliya təmsilçisi “İnter” qərarlaşıb. Milan klubunun gəliri 118,1 milyon avro olub. İlk “üçlüy”ü 117 milyon avro qazancla İngiltərənin “Arsenal” kollektivi tamamlayır.

Çempionlar Liqasının cari mövsümündə ən çox qazanan 10 klub bunlardır:

PSJ - 119,4 milyon avro

“İnter” - 118,1 milyon avro

“Arsenal” - 117 milyon avro

“Barselona” (İspaniya) - 116,6 milyon avro

“Bavariya” (Almaniya) - 105,9 milyon avro

“Borussia Dortmund” (Almaniya) - 102,2 milyon avro

“Real Madrid” (İspaniya) - 101,8 milyon avro

“Liverpul” (İngiltərə) - 98,1 milyon avro

“Bayer” (Almaniya) - 87,1 milyon avro

“Atletiko Madrid” (İspaniya) – 84,9 milyon avro.

Qeyd edək ki, Çempionlar Liqasının yarımfinal mərhələsində PSJ, “Arsenal”la, “İnter” isə “Barselona” ilə qarşılaşacaq.